ASL Company

05/08/2026

Construction ကောင်းတစ်ခု ဘယ်လိုရှာရမလဲ?

အိမ်တစ်လုံးပဲဖြစ်ဖြစ်၊ စီးပွားရေးအဆောက်အဦးတစ်ခုပဲဖြစ်ဖြစ် ဆောက်လုပ်တော့မယ်ဆိုရင် Construction Company ရွေးချယ်တာက အရေးကြီးဆုံးအဆင့်တွေထဲက တစ်ခုပါ။ မှန်ကန်တဲ့ Construction ကို ရွေးချယ်နိုင်မှ အရည်အသွေးကောင်းမွန်ပြီး စိတ်ချရတဲ့ အဆောက်အဦးတစ်ခုကို ရရှိနိုင်မှာ ဖြစ်ပါတယ်။ ဒါကြောင့် Construction တစ်ခုကို မရွေးချယ်ခင် ဒီအချက်လေးတွေကို လေ့လာထားသင့်ပါတယ်။

၁။ လုပ်ငန်းအတွေ့အကြုံကို လေ့လာပါ။

Construction Company တစ်ခုရဲ့ အတွေ့အကြုံက အရေးကြီးပါတယ်။ အရင်က ဆောက်လုပ်ခဲ့တဲ့ Project တွေ၊ လုပ်ငန်းသက်တမ်းနဲ့ အကောင်အထည်ဖော်နိုင်ခဲ့တဲ့ လုပ်ငန်းအရည်အသွေးတွေကို ကြည့်ရှုသင့်ပါတယ်။

၂။ အရည်အသွေးကို ဦးစားပေးသလား?

ဈေးနှုန်းသက်သာတာတစ်ခုတည်းကို မကြည့်သင့်ပါဘူး။ အသုံးပြုတဲ့ ပစ္စည်းအရည်အသွေး၊ ဆောက်လုပ်ပုံစံနဲ့ လက်ရာသေသပ်မှုကိုလည်း သေချာလေ့လာဖို့ လိုပါတယ်။

၃။ အချိန်ကို လေးစားမှုရှိရဲ့လား?

Project တစ်ခုကို သတ်မှတ်ထားတဲ့ အချိန်အတွင်း ပြီးစီးအောင် ဆောင်ရွက်နိုင်တာက Professional Construction Company တစ်ခုရဲ့ အရေးကြီးတဲ့ အရည်အချင်းတစ်ခု ဖြစ်ပါတယ်။

၄။ Customer တွေနဲ့ ဆက်သွယ်မှုကောင်းရဲ့လား?

Construction ကောင်းတစ်ခုဆိုတာ ဆောက်လုပ်ရေးတင် မဟုတ်ဘဲ Client နဲ့ အမြဲဆက်သွယ်ပြီး လိုအပ်ချက်တွေကို နားထောင်ပေးနိုင်ဖို့လည်း လိုအပ်ပါတယ်။

၅။ ဝန်ဆောင်မှုအပြီးမှာလည်း တာဝန်ယူမှုရှိရဲ့လား?

ဆောက်လုပ်ပြီးသွားတဲ့နောက်ပိုင်းမှာ ပြဿနာတစ်ခုခု ဖြစ်လာရင် အာမခံနဲ့ ပြန်လည်တာဝန်ယူပေးနိုင်တဲ့ Construction Company ကို ရွေးချယ်တာက ပိုပြီး စိတ်ချရပါတယ်။

Construction Company ကောင်းတစ်ခုကို ရွေးချယ်နိုင်တာက အဆောက်အဦးကောင်းတစ်ခု တည်ဆောက်နိုင်ဖို့ ပထမဆုံးခြေလှမ်းပါ။ ဒါကြောင့် ဈေးနှုန်းတစ်ခုတည်းကို မကြည့်ဘဲ အရည်အသွေး၊ အတွေ့အကြုံနဲ့ ယုံကြည်စိတ်ချရမှုကိုပါ ထည့်သွင်းစဉ်းစားပြီး ရွေးချယ်သင့်ပါတယ်။

Credit: from Internet Photo

25/07/2026

အိမ်အသစ်ဆောက်တော့မယ်ဆိုရင် မမေ့သင့်တဲ့ အချက် (၈) ချက်

အိမ်တစ်လုံးဆောက်တာက ငွေသုံးတာထက် ဆုံးဖြတ်ချက်မှန်ဖို့ ပိုအရေးကြီးပါတယ်။ အောက်ပါအချက် (၈) ချက်ကို ကြိုစဉ်းစားထားရင် နောင်တရနိုင်တဲ့ အမှားတွေကို လျှော့ချနိုင်ပါတယ်။

၁။ အရည်အသွေးမြင့် Materials
၂။ ပြီးပြည့်စုံသော တည်နေရာကို ရွေးချယ်ပါ
၃။ မိမိတို့ လိုအပ်ချက်နဲ့ကိုက်ညီသော အရွယ်အစားနှင့် ဒီဇိုင်း
၄။ ငွေရေးကြေးရေး
၅။ အချိန်ကာလကို ကြိုတင်တွက်ဆပါ
၆။ ရေရှည်အတွက် အရည်အသွေးမြင့်ပစ္စည်းများကိုသာ သုံးပါ
၇။ ဘေးကင်းလုံခြုံရေး
၈။ ယုံကြည်စိတ်ချရသော Construction Service

23/07/2026

အိမ်ဆောက်ဖို့ Budget ဘယ်လိုပြင်ဆင်သင့်လဲ?

အိမ်ဆောက်ဖို့ စဉ်းစားတဲ့အခါ လူအများစုရဲ့ ပထမဆုံးမေးခွန်းက

"ငွေဘယ်လောက်ရှိရင် အိမ်စဆောက်လို့ရမလဲ?"

တကယ်တော့ အိမ်တစ်လုံးရဲ့ Budget ကို PAE Rate တစ်ခုတည်းနဲ့ တွက်လို့မရပါဘူး။

ကုန်ကျစရိတ်ကို သက်ရောက်စေတဲ့ အဓိကအချက်များ

1.အိမ်ရဲ့ အရွယ်အစား (Building Size)
2.Foundation & Structural System
3.Architectural Design
4.Material Quality
5.MEP (Mechanical, Electrical & Plumbing)
6.Professional Service

အိမ်တစ်လုံးရဲ့ ကုန်ကျစရိတ်ကို "ဘယ်လောက်ကုန်လဲ" ဆိုတာထက်... "ဘယ်အရာတွေအတွက် ကုန်တာလဲ" ဆိုတာကို သိထားဖို့ ပိုအရေးကြီးပါတယ်။

ကောင်းမွန်တဲ့ Planning နဲ့ Budget Management က အပိုကုန်ကျစရိတ်ကို လျှော့ချပေးပြီး၊ ရေရှည်မှာ တန်ဖိုးရှိတဲ့ အိမ်တစ်လုံးကို ပိုင်ဆိုင်နိုင်ဖို့ အခြေခံအုတ်မြစ် ဖြစ်ပါတယ်။

Credit: Photo From Internet

18/07/2026

🏡 အိမ်တစ်အိမ်ဆောက်တဲ့အခါ Architecture Design က ဘာလို့အရေးကြီးတာလဲ❓

"အိမ်က လှရင် ရပြီ" လို့ လူတော်တော်များများ ထင်ကြပါတယ်။

အိမ်တစ်လုံးရဲ့ တန်ဖိုးကို ဆုံးဖြတ်တာက အပြင်ပိုင်းအလှအပတစ်ခုတည်း မဟုတ်ပါဘူး။

Architecture Design ကောင်းတစ်ခု ဆိုတာ...

အခန်းဘယ်လောက်ရှိမလဲဆိုတာထက် မိသားစုရဲ့ နေထိုင်မှုပုံစံနဲ့ ဘယ်လောက်ကိုက်ညီသလဲ ဆိုတာကို အရင်စဉ်းစားထားတဲ့ Design ဖြစ်ပါတယ်။

📐 ၁။ နောင်တမရတဲ့ နေရာအသုံးချမှု

အိမ်ဆောက်ပြီးမှ...

"ဧည့်ခန်းက ကျဉ်းသွားတယ်။"

"မီးဖိုခန်းက အဆင်မပြေဘူး။"

"ကားပါကင်က မလုံလောက်ဘူး။"

ဒီလိုစကားတွေက Design အစကတည်းက သေချာမစီစဉ်ထားတဲ့အခါ မကြာခဏကြားရတတ်ပါတယ်။

☀️ ၂။ သဘာဝအလင်းရောင်နဲ့ လေဝင်လေထွက်

Design ကောင်းတဲ့အိမ်တစ်လုံးမှာ နေ့ဘက်ဆို မီးဖွင့်စရာမလိုလောက်အောင် သဘာဝအလင်းရောင် ရရှိနိုင်ပါတယ်။

လေဝင်လေထွက်ကောင်းရင်လည်း အိမ်အတွင်း အပူချိန်လျော့ကျပြီး နေထိုင်ရတာ ပိုအဆင်ပြေစေပါတယ်။

💰 ၃။ အပိုကုန်ကျစရိတ်ကို လျှော့ချပေးနိုင်တယ်

Design မပြည့်စုံဘဲ ဆောက်လုပ်မယ်ဆိုရင်...

❌ အခန်းဖွဲ့စည်းပုံ ပြန်ပြင်ရတာ

❌ နံရံဖျက်ပြီး တံခါးပြောင်းရတာ

❌ Electrical နဲ့ Plumbing လမ်းကြောင်းတွေ ပြန်လုပ်ရတာ

စတဲ့ အပိုကုန်ကျစရိတ်တွေ ဖြစ်လာနိုင်ပါတယ်။

🏡 ၄။ အိမ်ရဲ့တန်ဖိုးကို မြှင့်တင်ပေးတယ်

Architecture Design ကောင်းတဲ့ အိမ်တစ်လုံးဟာ...

✔️ ကြည့်ကောင်းတယ်။

✔️ နေထိုင်ရ အဆင်ပြေတယ်။

✔️ နောင်မှာ ရောင်းချချင်တဲ့အခါလည်း တန်ဖိုးပိုရနိုင်ပါတယ်။

Architecture Design ကောင်းတစ်ခုဟာ သင့်ရဲ့ နေထိုင်မှုပုံစံ၊ မိသားစုရဲ့ လိုအပ်ချက်နဲ့ အနာဂတ်ကိုပါ ထည့်သွင်းစဉ်းစားပြီး ဖန်တီးထားတဲ့ Plan တစ်ခု ဖြစ်ပါတယ်။

အိမ်ကို တစ်ခါပဲ ဆောက်ရပေမယ့်... Design ကောင်းကောင်း ရွေးချယ်ထားရင် နှစ်ပေါင်းများစွာ စိတ်ချမ်းသာစွာ နေထိုင်နိုင်ပါတယ်။ 🏡✨


Design
Management

17/07/2026

အိမ်ဆောက်တော့မယ်ဆိုရင် နောင်တမရရအောင် ဒီ ၃ ချက်ကို ကြိုသတိထားပါ 🏠✨

အိမ်သစ်ဆောက်ပြီဆိုရင် ပိုက်ဆံရော၊ အချိန်ရော၊ လူရော တော်တော်လေး စိုက်ထုတ်ရတာမို့ အစကတည်းက စိတ်တိုင်းကျ ဖြစ်စေချင်ကြတာချည်းပါပဲ။ 😎 ဒါပေမဲ့ အဆောက်အဦးပြီးသွားမှ "ဟာ... ဒါကြီးကတော့ လွဲပြီ၊ ပြန်ပြင်ရရင်လည်း ဒုက္ခ" ဆိုတာမျိုးတွေ မဖြစ်ရအောင် အိမ်မဆောက်ခင် သေသေချာချာ ထည့်တွက်ထားသင့်တဲ့ အချက် ၃ ချက်ကို ပြောပြပေးချင်ပါတယ်။👇

၁။ လေဝင်လေထွက်နဲ့ အလင်းရောင်ကို လျှော့မတွက်ပါနဲ့ 💨☀️ အပြင်ပန်းကြည့်ရင် ဘယ်လောက်ပဲ မိုက်နေပါစေ၊ အိမ်ထဲမှာ လေဝင်လေထွက်မကောင်းရင် အမြဲမွမ်းကျပ်နေပြီး မှိုစွဲတာ၊ အနံ့အသက်မကောင်းတာတွေ ဖြစ်တတ်ပါတယ်။ အိမ်မဆောက်ခင် နေရောင်နဲ့ လေက ဘယ်ဘက်က ဝင်မလဲဆိုတာ သေချာကြည့်ပြီး ပြတင်းပေါက် တည်နေရာတွေကို စနစ်တကျ ထားသင့်ပါတယ်။

၂။ ပလပ်ပေါက် (Sockets) တွေရဲ့ တည်နေရာ 🔌📱 ဒါက တော်တော်များများ မေ့တတ်ကြတဲ့အချက်ပါ။ 🤦‍♂️ အိမ်လည်းပြီးရော ဖုန်းအားသွင်းဖို့၊ TV တပ်ဖို့ ပလပ်ပေါက်က အဆင်မပြေတဲ့နေရာ ရောက်နေတာမျိုး ဖြစ်တတ်ပါတယ်။ အဲဒီအခါကျမှ ဝါယာကြိုးခွေတွေနဲ့ ရှုပ်ပွနေအောင် သွယ်ရတာ စိတ်အနှောင့်အယှက် ဖြစ်ရပါတယ်။ အစကတည်းက ကုတင်ဘယ်နားထားမယ်၊ ဆိုဖာဘယ်နားထားမယ်ဆိုတာ ကြိုစဉ်းစားပြီး ပလပ်ပေါက်တွေကို နေရာချထားပါ။

၃။ ရေစိုဒဏ်ခံ (Waterproofing) ကို သေချာလုပ်ပါ 🌧️🛡️ မိုးတွင်းကျမှ အမိုးယိုတာ၊ နံရံကနေ ရေစိမ့်ပြီး ဆေးတွေ ကွာကျတာမျိုးထက် စိတ်ညစ်ရတာ မရှိပါဘူး။ 😫 ဆောက်လုပ်ရေးအစပိုင်းမှာ Waterproofing လုပ်ဖို့ ပိုက်ဆံနည်းနည်း ပိုကုန်တာကို နှမြောပြီး မလုပ်ခဲ့ရင် နောက်ပိုင်း ပြန်ပြင်ရတဲ့စရိတ်က ပိုကြီးသွားတတ်ပါတယ်။ ဒါကြောင့် မိုးဒဏ်၊ ရေဒဏ် ခံနိုင်အောင် အစကတည်းက သေချာပြင်ဆင်ပါ။

ဒါကြောင့် အိမ်ဆောက်ဖို့ ပြင်ဆင်နေပြီဆိုရင် ဒီအချက်တွေကို ကန်ထရိုက်တာ ဒါမှမဟုတ် အင်ဂျင်နီယာနဲ့ မဖြစ်မနေ ကြိုတင်တိုင်ပင်ထားဖို့ တိုက်တွန်းချင်ပါတယ်။ 🤝

မိမိပတ်ဝန်းကျင်မှာ အိမ်ဆောက်ဖို့ ပြင်နေတဲ့ သူငယ်ချင်းတွေရှိရင်လည်း သိရအောင် Share ပေးလိုက်ပါဦးနော်။ 👍💖



Credit.. from internet photo

13/07/2026

🌧️ "မိုးရာသီမှာ အိမ်ဆောက်ရင် ဘာအခက်အခဲတွေရှိလဲ?" 🏠

"မိုးကျတော့ အိမ်ဆောက်တာ နားလိုက်ရင်ကောင်းမလား..." လို့ လူတော်တော်များများ တွေးဖူးကြပါတယ်။

တကယ်တော့ မိုးရာသီမှာ အိမ်ဆောက်လို့ရပါတယ်။ ရာသီဥတုကို ထည့်သွင်းစဉ်းစားဖို့လိုပါတယ်။

💧 မိုးရွာတာကြောင့် ကြုံတွေ့နိုင်တဲ့ အခက်အခဲများ

မိုးရေဝင်လာရင် Foundation တူးထားတဲ့နေရာတွေမှာ ရေဝင်နိုင်ပြီး လုပ်ငန်းကို ကြန့်ကြာနိုင်ပါသည်။

Concrete လောင်းနေချိန် မိုးသည်းထန်စွာရွာရင် ရောနှောနှုန်းကို ထိခိုက်စေနိုင်တာကြောင့် စနစ်တကျ ကာကွယ်ဖို့ လိုအပ်ပါသည်။

မိုးကြောင့် မြေသားစိုစွတ်လာရင် စက်ယန္တရားအသုံးပြုရတာ ပိုခက်လာနိုင်ပါသည်။

ချော်လဲမှု၊ လျှပ်စစ်အန္တရာယ် စတဲ့ Safety အချက်တွေကို ပိုမိုဂရုစိုက်ရပါသည်။

အတွေ့အကြုံရှိတဲ့ Engineer နဲ့ ကျွမ်းကျင်တဲ့ Construction Team က အလုပ်အစီအစဉ်ကို သေချာစီမံပြီး လိုအပ်တဲ့ ကာကွယ်မှုတွေ လုပ်ဆောင်မယ်ဆိုရင် မိုးရာသီမှာလည်း အရည်အသွေးမလျော့ဘဲ ဆောက်လုပ်နိုင်ပါသည်။

02/07/2026

အိမ်ဆောက်ရင် PAE နဲ့ ဆောက်မှာလား၊ BQ နဲ့ ဆောက်မှာလား?

အိမ်ဆောက်ဖို့ စတင်ပြင်ဆင်တော့မယ်ဆိုရင် လူတိုင်းနီးပါး စဥ်းစားရတဲ့ မေးခွန်းရှိပါတယ်။ အဲဒါကတော့ PAE စနစ်က ပိုကောင်းမလား? BQ စနစ်က ပိုကောင်းမလား?

PAE နဲ့ BQ ရဲ့ အဓိကကွာခြားချက် (၄) ချက်ကို ဖော်ပြပေးလိုက်ပါတယ်။

၁။ Budget

PAE : တစ်အိမ်လုံးစာ အပြီးအစီး ကုန်ကျစရိတ်ကို ကြိုသိနိုင်ခြင်း။ Budget အတွက်စိတ်ပူစရာမလိုပဲ ကြိုတင်စီမံရတာ အရမ်းလွယ်ကူလို့ ငွေပမာဏ အကန့်အသတ်နဲ့ ဆောက်ချင်သူတွေအတွက် အဆင်ပြေဆုံးပါ။

BQ: အသုံးပြုမည့် ပစ္စည်း၊ အရည်အသွေးနဲ့ Design ပေါ်မူတည်ပြီး ကုန်ကျစရိတ် အပြောင်းအလဲ ရှိနိုင်ပါသည်။ Premium ဆန်ဆန် ဆောက်ချင်ရင် ကုန်ကျစရိတ် ပိုများနိုင်ပြီး စိတ်ကြိုက်အရည်အသွေး နှင့်ဆောက်ချင်သူများအတွက် အဆင်ပြေပါသည်။

၂။ Design

PAE: Package အလိုက် သတ်မှတ်ထားတဲ့ Standard အတိုင်း ဆောက်ရတာဖြစ်လို့ Floor Height၊ အခန်း Layout၊ တံခါးအရွယ်အစားနဲ့ ရေချိုးခန်း အရေအတွက် စတာတွေမှာ ကန့်သတ်ချက် အနည်းငယ် ရှိနိုင်ပါတယ်။

BQ: Client စိတ်ကြိုက် လွတ်လပ်စွာရွေးချယ်နိုင်ပါသည်။ မျက်နှာစာ (Facade) Design၊ Ceiling Height၊ အခန်းဖွဲ့စည်းပုံ၊ Balcony နဲ့ Terrace တွေကို စိတ်ကူးထဲကအတိုင်း ရာနှုန်းပြည့် ပုံဖော်နိုင်ပါသည်။

၃။ ဆောက်လုပ်ရေးပစ္စည်း

PAE: Package ထဲက Material Specification အတိုင်းပဲ အသုံးပြုတာဖြစ်လို့ Material Brand တွေကို ရွေးချယ်ခွင့် အကန့်အသတ် ရှိပါသည်။

BQ: ဘိလပ်မြေ၊ သံချောင်းကအစ အုတ်၊ ကြွေပြား၊ ဆေး၊ တံခါးနဲ့ Sanitary Ware အစ ... ကိုယ်ကြိုက်တဲ့ Brand၊ ကိုယ်လိုချင်တဲ့ Quality ကို စိတ်ကြိုက် ရွေးချယ်ဝယ်ယူနိုင်ပါတယ်။

၄။ ငွေပေးချေမှု

PAE: (Stage) အလိုက် ငွေပေးချေရပါသည်။ ပစ္စည်းတစ်ခုချင်းစီရဲ့ စျေးနှုန်းအသေးစိတ်ကို လိုက်ကြည့်စရာမလိုဘဲ အလုပ်ပြီးစီးမှုပေါ် မူတည်ပြီး ငွေပေးချေတဲ့စနစ်ဖြစ်ပါသည်။

BQ: Bill of Quantities စနစ်အတိုင်း ဘိလပ်မြေ ဘယ်နှအိတ်၊ သံချောင်း ဘယ်နှတန်၊ အုတ် ဘယ်နှချပ် သုံးထားလဲဆိုတာ... ဘယ်အတွက် ငွေပေးလိုက်ရလဲဆိုတာကို အသေးစိတ် သိရှိနိုင်ပါသည်။

ဘယ်စနစ်ကို ရွေးချယ်သင့်လဲ

PAE
Budget တိတိကျကျ သိချင်သူ
Package တစ်ခုတည်းနဲ့ အပြီးအစီးဆောက်ချင်သူ

BQ
Design ကိုစိတ်ကြိုက်ဖန်တီးနိုင်ခြင်း
အရည်အသွေးအမြင့်ဆုံးနဲ့ စိတ်တိုင်းကျ တည်ဆောက်နိုင်ခြင်း

Credit: Lucky Done Construction Post အားကိုးကားခြင်း

Send a message to learn more

28/06/2026

အိမ်ဆောက်ခါနီးမှ ဘက်ဂျက်ဖောင်းပွမှုမဖြစ်စေရန်?

အိမ်ဆောက်ဖို့ စိတ်ကူးလိုက်ပြီဆိုတာနဲ့ ကိုယ့်ရဲ့အမြင်အာရုံထဲမှာ လှပတဲ့အိမ်လုံးတလုံးကိုပြေးမြင်မိမှာ အမှန်ပါပဲ။ ဒါတွေကိုလက်‌တွေ့ပြင်ဆင်တော့မယ်ဆို ကိုယ်မှန်းထားတဲ့ဘက်ဂျက်ထက် အများကြီး ပိုကုန်သွားမှာကိုစိုးရိမ်မိပြန်သည်။

ဒီလိုစိတ်ပူမှုတွေမရှိရအောင် မိမိစိတ်ကူးထားတဲ့အိမ်လှလှလေးကို သတ်မှတ်ဘက်ဂျက်အတွင်း အကောင်းဆုံးပုံဖော်နိုင်ဖို့ အကြံပြုချက် (၃)ချက်ကိုမျှဝေပေးလိုက်ပါသည်။

၁။ ကိုယ်မှန်းထားတဲ့ဘက်ဂျက်နဲ့ ကိုက်ညီမှုရှိအောင် ကျွမ်းကျင်တဲ့ Architect, Engineer ပညာရှင်တွေနဲ့တိုင်ပင်ပြီး Floor Planကိုအချောသတ်ပါ။

၂။ အုတ်၊ သဲ၊ ကျောက်စသည့် ကုန်ကြမ်းတွေကို ဘယ် Brand သုံးမလဲ၊ ဘယ်လောက်Cost ကျမလဲဆိုတဲ့ စာရင်းတွေကို Construction Company သေချာပြင်ဆင်ခိုင်းရန်။

၃။ ပစည်းစျေးအတက်အကျရှိနိုင်တဲ့အတွက် အရန်ဘက်ဂျက်ရဲ့ ၁၀% ကိုကြိုတင်ဖယ်ထားရန်။
Credit:Photo from AI

04/06/2026

🏗️ အဆောက်အဦးဆောက်လုပ်တဲ့အခါ Third Party Inspection ဘာကြောင့်မရှိမဖြစ်လိုအပ်တာလဲ။
Third Party Inspectionဆိုသည်မှာ Projectတခုလုံးရဲ့ Quality, Safety, Sustainability အတွက်မရှိမဖြစ်တဲ့လုပ်ငန်းစဉ်တခုဖြစ်ပါသည်။
အရေးကြီးသည့်အချက်များမှာ ‌

💎 ၁။အရည်အသွေးစစ်ဆေးခြင်း
▪️အဆောက်အဦးမဆောက်ခင်မှာအသုံးပြုမည့်ကုန်ကြမ်းပစ္စည်းများ၏အရည်အသွေးကောင်းမွန်မှုရှိ/မရှိစစ်ဆေးခြင်း။
▪️သတ်မှတ်ထားသောစံချိန်စံညွှန်းနှင့်ကိုက်ညီမှုရှိ/မရှိကိုတိကျစွာစစ်ဆေးခြင်း။

⚠️ ၂။ဘေးအန္တရာယ်ကင်းရှင်းရေးစစ်ဆေးခြင်း။
▪️🔩သံချောင်းတပ်ဆင်မှုစနစ်မှန်ကန်မှုရှိ/မရှိ။
▪️ကွန်ကရစ်အချိုးအစားနှင့်ဖျော်စပ်မှုမှန်ကန်မှုရှိ/မရှိ။
▪️အသုံးပြုမည့်ဘိလပ်မြေအမျိုးအစားနှင့်အရည်အသွေးပြည့်မီမှုရှိ/မရှိ။
▪️အုတ်စီခြင်း၊ ဆေးသုတ်ခြင်း၊ ပိုက်လိုင်းများ၏အထူအပါး၊ လျှပ်စစ်ဝါယာကြိုးများတပ်ဆင်ခြင်းနှင့်မီးဘေးကာကွယ်ရေးစနစ်များ စနစ်တကျရှိ/မရှိ။
▪️ပစ္စည်းကိရိယာများကိုအသုံးမပြုမီအရည်အသွေးကိုကြိုတင်စစ်ဆေးခြင်း။

၃။ Designနှင့်ကိုက်ညီမှုရှိ/မရှိစစ်ဆေးခြင်း။
▪️Designအချက်အလက်များမှန်ကန်မှုရှိ/မရှိ။
▪️အဆောက်အအုံ၏အကျယ်အဝန်းနှင့်နံရံအထူအပါးတိကျမှုရှိ/မရှိ။

ဖော်ပြပါအရေးကြီးသောအချက်အလက်များကြောင့် ဆောက်လုပ်ရေးလုပ်ငန်းခွင်များတွင် Third Party Inspectionကိုမဖြစ်မနေထည့်သွင်းရန်လိုအပ်ပါသည်။

01/06/2026

မီးသတ်ဦးစီးဌာန ခွင့်ပြုချက်ရအောင် ဆောင်ရွက်ခြင်း
အဆောက်အဦး ဆောက်လုပ်တဲ့အခါမှာ
🔹၃ထပ်နှင့် အထက်အဆောက်အဦးများ
🔹Area ကျယ်ဝန်းသောအဆောက်အဦးများ
🔹Commercial Buildingများ 🔹Public Buildingများအတွက် မီးသတ်ဌာန၏ခွင့်ပြုမိန့်လိုအပ်ပါသည်။
❓မီးသတ်ဌာန၏ခွင့်ပြုချက် ဘာကြောင့် လိုအပ်တာလဲ?

🔹အဆောက်အဦးနေထိုင်ခွင့်၊ အဆောက်အဦးပြီးစီးပြီးလူနေထိုင်ခွင့် BCC ရရှိရန်အတွက် ပူးတွဲတင်ပြရသောစာရွက်ဖြစ်သည်။
📄လျှောက်ထားရန်ဘာတွေလိုအပ်သလဲ?
🔹 Archi Drawing
🔹M & E Drawing (Fire Drawing)
🚒 Fire Drawing ထဲတွင်ပါဝင်ရမည့်အချက်များ
🔹 Dry riser
🔹 Wet riser
🔹 Fire alarm
🔹 SPRINKLER
🔹 Fire Truck Parking အစရှိသဖြင့် အဆောက်အဦးပေါ်မူတည်ပြီးကွာခြားပါသည်။
✍️တင်ပြရာတွင်လိုအပ်သည့်လက်မှတ်ထိုးမှုများမှာ အောက်ပါအတိုင်းဖြစ်ပါသည်။
🔹SLA Architectural လက်မှတ်
🔹RSE / PE (For Fire) လိုအပ်ပါသည်။
🕛 ကြာမြင့်ချိန် နှင့် ကျသင့်ငွေ

🔹ကြာချိန်မှာ အဆောက်အဦးအပေါ်မူတည် တလမှ နှစ်လခန့် ကြာတတ်သည်။
🔹အတည်ပြုချက်ရရှိပြီးသည့်အခါတွင် 1SQFကို မြန်မာငွေ ၁၀၀ကျပ် ပေးသွင်းရပါသည်။