18/07/2026
🤍🕋
من بداية ليلة عرفة رحنا على مخيمنا في عرفات، وكلنا كنا مستعدين لأعظم يوم بالحج. مع طلوع الشمس بلش يوم عرفة، واليوم اللي كل حاج/ حاجه بينتظره. قضيناه بالدعاء والذكر والاستغفار، وكل واحد كان يدعي من قلبه ويتمنى من الله القبول.
بعد غروب الشمس تحركنا على مخيمنا، وصلينا المغرب والعشاء، و جلسنا في المزدلفة ( كان مخيمنا على الحد الفاصل بين مِنى ومزدلفة ) و كانت ليله ما فيها نوم واحنا بنستنى تطلع الشمس و نستقبل أول أيام العيد.
صباح أول أيام التشريق ( أول يوم العيد ) بلشنا برمي جمرة العقبة الكبرى بسبع حصيات، وبعدها مشينا لغايه ما وصلنا الحرم و طفنا طواف الإفاضة، وهناك تحللنا من الإحرام، وكان شعور ما بينوصف... فرحة، وراحة، وحمد لله إنه يسرلنا نكمل هالمناسك.
كل مرحلة بالحج إلها معنى، وكل موقف فيها بيترك أثر بالقلب. والحمد لله على هالنعمة اللي بتتمنى يعيشها كل مسلم مرة بحياته.
الله يتقبل منا ومن جميع الحجاج، ويرزق كل مشتاق زيارة بيته الحرام قريبًا. 🤍
