26/07/2026
إذا عندك مكان بالبيت وما تعرف شتزرع… ازرع تينة.
برأيي شجرة التين من أفضل الأشجار للبيوت، ولعدة أسباب:
سريعة بالإثمار مقارنة بكثير من أشجار الفاكهة، وبعض الأصناف تبدي تعطي ثمارها خلال سنة او سنتين إذا كانت العناية بيها زينة.
تتحمل الحر خاصة إذا أداريها من خلال السقي الشبه يومي، لذلك تعتبر مناسبة لأجواء العراق. توفر ظل جميل بأوراقها الجبيرة، وتخلي الحديقة أو فناء البيت أبرد وأجمل بالصيف. ثمارها جدا طيبة وغنية بالألياف والمعادن، وتكدر تاكلها طازجة أو تجففها وتستفاد منها طول السنة.
التينة مو مجرد شجرة… هي استثمار للبيت. كل سنة تكبر، وإنتاجها يزيد، وتفرح بيها أنت وأهلك وجيرانك
الأهم تكون طريقة الزراعة صحيحة وسماد طبيعي كل ٢٠ يوم وراح تشوف الثمار شلون راح تجيك بكثرة وطعم طيب.
#العراق #بغداد #البصرة #الانبار #النجف #بابل #الحلة #كربلاء #شجر #الناصرية #الموصل
