Nazir Watercolour

19/08/2026

Title: Reader - Waiting Series
Medium: Watercolour
Size: 8.25” 11.75” inches
Artist: Nazir Watercolour
Photo credit: Oscar Kalimuthu Aruppukottai

12/08/2026

Title: Coconut Seller
Medium: Watercolour
Size: 8.25” 11.75” inches
Artist: Nazir

09/08/2026

Title: Farmer
Medium: Watercolour
Size: 8.25” 11.75” inches
Artist: Nazir

07/08/2026

“ Waiting Series Pic_3 “
தலைப்பு: தாத்தாவும்… பேத்தியும்…

மதுரை செல்லூர் வைகை ஆறு ...
ஒரு காலத்துல நிரம்பி ஓடுன ஆறு. ஆனா இன்னிக்கு கெண்ட கால் அளவு கூட தண்ணி இல்ல

படத்துல இருக்கிறது ஒரு வயதான தாத்தாவும், அவரோட பேத்தியும் , கூடவே அவங்க வீட்டு 3 மாடுகளும்.

பேத்தி கேக்குறா என்ன தாத்தா உம்முனே வர்ற…

அதுக்கு தாத்தா ...

25 வருஷத்துக்கு முன்னாடி

"இந்த இடத்துல எல்லாம் தண்ணி இடுப்பு வரைக்கும் இருக்கும் தாயி. நானும் உங்க பாட்டியும் இங்கதான் மாட்ட குளிப்பாட்டுவோம். துணி துவைப்போம், தொவச்ச துணிய கரை மேல பரத்தி விட்டு வந்து …

அந்தா தெரியுது பாரு கல் மண்டபம்

அந்த கல் மண்டபத்துல போய் உட்கார்ந்து காலைல கொண்டு வந்த பழைய சோறு, கருவாடு கூட்டு , சின்ன வெங்காயம் வச்சு சாப்பிடுவோம்…
அப்புறம் அங்கேயே செத்த நேரம் தலைய சாய்ப்போம்…

இந்த காலத்துல காலை வெயிலையே நம்மளால தாங்க முடியல …
ஆனா அப்போ மதிய நேரத்துல கூட ஒரு விதமா காத்து வீசும் பாரு… அது எப்டி இருக்கும்னா…

மத்தியான நேரத்தில நல்லா அலஞ்சு திருஞ்சு ரொம்ப அசதியா வீட்டுக்கு வந்தா உடனே உங்க பாட்டி ஒரு செம்புல மண்பானை தண்ணி மெத்தி வந்து கொடுப்பா அது நம்ம தொண்டைக்குள்ள போறப்ப எப்டி குழு குழு னு (ப்பா… இப்ப சொல்லும்போது அந்த உணர்வு ) இதமா இருக்குமோ அதே போல தான்…
அந்த காலத்துல மதிய நேரமா இருந்தாலும் சரி இந்த கல் மண்டபத்ல இருக்கும்போது இந்த காத்து அவ்ளோ இதமா மென்மையா இருக்கும்.

ஆத்து மணல்ல அந்த நேரத்திலேயும் சில இளைங்கர்கள் கபடி விளையாடுவாங்க … கொஞ்சம் தள்ளி சின்ன பசங்க தண்ணிக்குள்ள குதிச்சு விளையாடுவாங்க… சிலர் மீன் பிடிக்க தூண்டி போடுவதும் இன்னும் சில மீன் காரவங்க பானை பரி அமைத்தும் மீனு பிடிப்பாங்க… இப்படி இன்னும் பல விஷயங்கள சொல்லிகிட்டே போகலாம்…
ம்ம்ஹ் ….
அப்படியே சாயங்காலம் வந்துரும்
காஞ்ச துணிய எடுத்துகிட்டு, மேஞ்சுகிட்டு இருந்த நம்ம மாட்டையும் கூட்டிட்டு கிளம்பிருவோம்னு பெருமூச்சு விட்டார் …

ஆனா இன்னிக்கு?
தண்ணி இல்ல. ஆனா ஆறு ஓடிய தடம் மட்டும்தான் இருக்கு. அங்கங்க கொஞ்சம் கிடை தண்ணிதான் கிடக்கு. அந்த தண்ணிய குடிக்கத்தான் மாட்ட கூட்டிட்டு வந்திருக்காங்க.

தாத்தாவும், பேத்தியும் தினமும் இங்க வந்துடுவாங்க. மாடு தண்ணிய குடிக்கும். தாத்தாவும் வானத்த பார்த்து காத்திருப்பார் …

இதுக்கு மழையும் ஒரு காரணமா இருக்கலாம் ஆனா,
குப்பை போடாம,
கழிவு நீர் கலக்காம,
ஆக்கிரமிப்பு பண்ணாம,
மழைநீர சேமிச்சா...
ஒருநாள் வைகை ஆற்றில் தண்ணீர் மறுபடியும் ஓடும் என்ற கத்திருப்பு
செல்லூர் மட்டும் இல்ல.
வைகைய சுத்தி இருக்குற லட்சக்கணக்கான மக்களோட காத்திருப்பு,
மாடு, மரம், பறவை... இன்னும் பல உயிர்களோட காத்திருப்பு…

நினைவுகள் திரும்ப நிகழ்வுகளாக மாறும் என எனது ஓவியத்தின் மூலம் எனது காத்திருப்பும் கூட…

காத்திருக்கிறது மட்டும் இல்ல, இயற்கையாய் கிடைத்த எல்லா ஆறுகளையும் காக்கவும் செய்யனும்…

பேரன்புடன்…
பிரேம் நசீர் கா
மதுரை ஓவியன்

#காத்திருப்பு

31/07/2026

காத்திருப்பு_Waiting_Series_Pic_2“
Title: “ Sunday ஸ்பெஷல் “

ஞாயிற்று கிழமைனா சும்மாவா?
ஊரே கலகலனு இருக்கும். எல்லார் வீட்லயும் special சமையல் தான். மட்டன், கோழி, மீன்... வாசனையே தனியா இருக்கும்.

madurai மேலமடை கம்மாய் ஓரம் இருக்க அந்த சாலையோர மீன் கடைல அன்னக்கு கூட்டம் அலை மோதுது.
"அக்கா 1/2 கிலோ நெத்திலி", "அண்ணே வஞ்சிரம் இருக்கா"னு சத்தம்.

அந்த கூட்டத்துக்கு நடுவுல, வெயிலுக்கு ஒதுங்க ஒரு பெரிய வண்ண குடை. அதுக்கு கீழ மீன்கார அக்கா. அவங்க மடியில 5 வயசு பொண்ணு.

காலைல 6 மணில இருந்து உக்காந்துருக்காங்க. அவங்க பொண்ணோட கண்ணு எல்லாம் அயர்ந்து போச்சு. மடியில உக்காந்து, அம்மா மீன் எடுத்து எடுத்து தரத பாத்துட்டே இருக்கா.

ஒவ்வொருத்தரா மீன் வாங்கிட்டு போறாங்க. ஒருத்தர், "இன்னக்கு அயிரை மீன் வாங்கிருக்கேனு phone ல பேசிக்கிட்டே போராரு.

அவளுக்கு பசிக்குது. ஆனா அம்மாகிட்ட கேக்கல.
மனசுக்குள்ள மட்டும் நினைக்கிறாள்...
"அம்மா... எல்லா மீனும் எப்போ விக்கும்? நம்ம எப்போ வீட்டுக்கு போவோம்?…

அவ கண்ணுல இருக்க ஏக்கம், அந்த வண்ண குடையோட வெளிச்சத்துல கூட இருட்டா தெரியுது.

எல்லார் வீட்லயும் ஞாயிறு special...
ஆனா மீன் விக்கிறவங்க வீட்ல, எல்லாம் வித்து காசு கைக்கு வந்தாதான் special.

மாலை 4மணி.
கடைசி மீனும் வித்து முடிஞ்சது. அந்த அக்கா அவங்க பொண்ண தூக்குறாங்க.
"வா வீட்டுக்கு போலாம். இன்னக்கு உனக்கு பிடிச்ச ஆட்டு கறி குழம்பு வைக்கேன்"

காத்திருந்த …
அந்த பொண்ணோட முகத்துல அந்த ஞாயிறு வெளிச்சம் வருது.

இந்த watercolour painting என்னோட waiting series ஓட இரண்டாவது படம்.

மேலும், உங்களோட கருத்துக்களை பகிர்ந்து கொள்ள விரும்புகிறேன்…

பேரன்புடன்…
பிரேம் நசீர் கா
மதுரை ஓவியன்

28/07/2026

தலைப்பு: "காத்திருப்பு _ Waiting"

பொதுவாக நான் பயணம் செல்லும் பொழுது …அது நடை பயணமோ, இரு சக்கர வாகன பயணமோ அல்லது பேருந்து வழி பயணமோ ஏதுவாக இருந்தாலும் சரி, வழியில் பார்க்கும் காட்சிகளை ரசித்தவானாகவும் அதில் சில நிகழ்வுகளை எனது கைபேசி camera வில் நிழல் படம் எடுப்பதும் அதை பார்த்து ஓவியம் வரைவதும் எனது வழக்கம்…

அப்படிதான் அன்றொரு நாள்…
இரு சக்கர வாகனத்தில் பயணம்…
எப்பவும் போல செல்லும் வழியில் நான் பார்த்த காட்சிகளை ரசித்தவனாக சென்று கொண்டிருந்தேன்…

அன்றய காட்சி…
மதுரை இராஜாஜி அரசு மருத்துவமனை வாயில். மதிய வேலை கொளுத்தும் வெயில். ஆனா கேட்டுக்கு வெளியே ஒரு நீளமான வரிசை.

இது மருந்துக்கான வரிசை இல்ல.
இது பசிக்கான வரிசை.

அந்த அக்கா கையில மஞ்சள் பை. உள்ள மகனோட மருந்து சீட்டு இருக்கு. காலைல இருந்து ஒண்ணும் சாப்பிடல. வீட்ல அரிசி இல்ல. "மருந்து வாங்கிட்டு, இங்க கொடுக்கிற சாப்பாட்ட வாங்கிட்டு போனா இன்னைக்கு பசி ஓடிடும்" னு மனசுக்குள்ள கணக்கு போடுறாங்க…

அடுத்து நிக்கிற தாத்தா. கூலி வேலைக்கு போக முடியாத வயசு. பென்ஷன் வர இன்னும் நாள் இருக்கு. அவர் பார்வை கேட்டுக்கு நேரா இல்ல. தொண்டு நிறுவன வண்டி வரும் பாதையை நோக்கி இருக்கு. "இன்னைக்கும் வருவாங்களா?"

ஆமா. ஒவ்வொரு நாளும் மதியம் ஒரு தொண்டு நிறுவனத்தை சேர்ந்த சிலர் இங்க வருவாங்க. மதுரை இராஜாஜி அரசு மருத்துவமனைக்கு வைத்தியம் பார்க்க வர்ற ஏழை மக்களுக்காக சாப்பாடு கொண்டு வந்து கொடுப்பாங்க.

அரசாங்கம் செய்ய மறந்த இந்த சேவையை,
ஒரு சில நல்ல மனுஷங்க செய்யுறாங்க…

இவங்களோட வறுமைதான் இங்க கொண்டு வந்து நிறுத்திருக்கு.

உடம்பு சரியில்ல…
வயசாகிருச்சு…
இந்த வெயில்ல நிக்க முடியலனு…
இந்த வயிறு பசிக்கு தெரியுமா என்ன?…

வண்டி வந்து நிக்குது அன்னதான பாத்திரங்களை இறக்குறாங்க. சுமார் ஒரு சில மணி நேரம் காத்திருந்த அந்த வரிசையில் ஒரு நகர்வு ..

இந்தா எடுத்துடேன் மொபைல ஒரு 📸 …
அடுத்த ஓவியம் வரைய காத்திருந்த எனக்கு காத்திருந்து கிடைத்த ஓவியம் …
இதோ…

இந்த ஓவியத்திற்கு நான் விரும்பிய தலைப்பு “காத்திருப்பு “

காத்திருப்பு"* வழியாக நான் சொல்ல வருவது:
அவர்களின் பொறுமையில் இருக்கும் கண்ணியம்.
அவர்கள் ஏன் இப்படி வெயிலில் காத்திருக்க வேண்டும் என்ற கேள்வி.

இது தொடக்கம் தான். இன்னும் நம்மை சுற்றி இருக்கும் பல "காத்திருப்புகளை" வரைய போகிறேன்.

இந்த தலைப்பு மற்றும் அடுத்து நான் வரையவுள்ள தொகுப்பை பற்றியும் உங்கள் கருத்துக்களை பகிர்ந்து கொள்ள விரும்புகிறேன்….

பேரன்புடன்…
பிரேம் நசீர் கா
மதுரை ஓவியன்

19/07/2026

கதகளி
வார்தை இல்லாமல் கதை சொல்லும் கலை
Kathakali_Kerala
കേരള പാരമ്പര്യത്തിലെ ഒന്ന്
கேரள பாரம்பரியத்தில் ஒன்று
Painted the intensity of Kerala's greatest art form.

*Kathakali = "Story Play" from Kerala
*Green face = Noble characters
*Takes 4 hours just for the makeup!
*No dialogue. Only expressions + mudras tell the story
Respect to this art form and support.

" Thanks "
Music credits:
Music by Linesh Jose from Pixabay

#കഥകളി #കേരളസംസ്കാരം #கதகளி #கேரளபாரம்பரியம்

14/07/2026

From dusty roads to yellow autos, every corner has a story. Painted this street scene with watercolors.

Title:
“ Madurai street” _Urban sketch

Medium: Watercolour
Artist: Nazir

26/02/2026

Rip

தோழர் திரு.நல்லகண்ணு அவர்களின் Digital portrait

#தோழர்