06/04/2026
عزيزي العميل
بالنيابه عن زملائي صناع المفاتيح اقدم لك بعض النصايح
النصيحه الأولي
احنا بنعمل المفتاح عشان يفتح ومش عايزين نشوف وشك تاني
النصيحه الثانيه
ياريت تنزل من علي دراعي وانا شغال وتشوف حته نشفه تقعد فيها
النصيحه الثالثه
احنا عارفين أن حضرتك مثقف ومولود في حوارى شيكاغو فبلاش تترجم معايا رسايل الجهاز وانا ببرمج عشان يومنا يعدي علي خير
النصيحه الرابعه
الميداليه بشتريها بفلوس مش لاقيها في الشارع عشان اطلعها هديه
النصيحه الخامسه
ياريت بلاش تفاصل او تسال عن السعر كل يومين وتمشي عشان احنا ماشيين بالعلاج
النصيحه السادسه
مفيش مفتاح بيتكسر لواحده الا لو كان زهقان من الدنيا وعايز ينتحر
النصيحه السابعه
مفتاح الشفره مش ب٥٠ ج متبقاش كداب واهبل
النصيحه الثامنه
مفتاح الشفره ملوش علاقه بالتكييف بتاع العربيه الي معدش بيسقع
النصيحه التاسعه
بلاش تصر أن ريموت المرسيدس ينفع يشتغل علي الموتسيكل عشان أنا خلقي ديق وممكن اشتمك
النصيحه العاشره
بلاش تخصم فلوس من الاتفاق بعد ما الشغل يخلص عشان دا نصب واحتيال يا حرامي
وختاما احب اقولك نحن في خدمتك في أي وقت. 😂
