مكتب Segma - سيجما للأعمال المساحية والاستشارات الهندسة

02/08/2026

02/08/2026

مع سيجما انت في أمان
#مكتب سيجما للأعمال المساحية
#مساح #هندسه
#مكتب فني
#مكتب مساحة
#اعمال حفر

09/07/2026

مطلوب اتنين مساعدين م القاهرة للتوظيف في شركة الشغل إنشاءات شرط الخبرة ؟؟
سيب رقمك

21/04/2026

🚨 خناقة أزلية في المواقع.. ومحدش عايز يتكلم فيها! 🤫

🏗️ "المهندس المدني vs مهندس المساحة.

مين الكل فالكل؟" 🤔

خلينا نكون صرحاء مع بعض ونقول ان مفيش مشروع بيمشي من غير الاتنين، ولا حاجه بتشتغل غير وهما موجودين، بس ليه دايماً فيه شد وجذب وخناقة مخفية في الموقع بينهم.
والمهندس المدني ،التنفيذ.،شايف إنه هو مدير الموقع واللي بينسق كل حاجة وبيستلم الشغل، والمساح بالنسبة ليه صنايعي بياخد منه نقط عشان يشتغل.
في الناحية التانية مهندس المساحة شايف إنه هو عين الموقع واللي بيفرش الشغل أصلاً للمدني وللنجار وللحداد، ومن غير الجهاز بتاعه مفيش طوبة هتتحط صح.
من الآخر هو قائد المركبة يا تغرق لو علي الله يا توصل بسلام لو برنس.
الناس التقيلة بقي في الموقع تقولنا من وجهه نظرهم مين ؟؟

1️⃣ من واقع خبرتك.. مين اللي بيمشي التاني في الموقع؟ المهندس المدني بيوجه مهندس المساحة ،ولا مهندس المساحة هو اللي بيمشي الشغل في الاتجاه المظبوط؟
2️⃣ إمتى العلاقة دي بتتحول لـ خناقة؟ وإزاي بتأثر على جودة الشغل؟
3️⃣ وامتي الموقع ينجح هل لما يكون فيه تكامل حقيقي ولا تحدي خفي؟

شاركنا برأيك.. ومين اللي دايماً بيشيل الليلة في الآخر؟ 😂

(مع سيجما.. إحنا بنأكد إن التكامل بين مهندس المساحة والمهندس المدني هو سر نجاح أي مشروع، وعشان كدة تيم المساحة عندنا فاهمين تنفيذ ومكتب فني📐)

#سيجما

13/04/2026

🚧 "لما الإنشائي يخاصم المعماري .. والمساح يلبس في الحيط! 🤦‍♂️

تخيل ان أنت كمساح شغال في مشروع أبراج، واستلمت لوحة المعماري وبدأت توقّع أكسات الأعمدة بكل ثقة.👌
والحمد لله بعد تعب وشغل كتير منك ومن النجار وبعد ما النجار قفل الخشب والحداد خلص شغل، جه بقي دور الاستشاري عشان يستلم.
المفاجأة إن الاستشاري نزل يستلم
بـ "اللوحة الإنشائية" 😢
ولما بدأ الاستشاري يستلم اكتشفت إن فيه ترحيل في الأكسات بـ 15 سم، أو إن فيه "عمود" مكانه اتغير تماماً في التعديل الجديد للمكتب الفني.
وطبعا المساح نايم في العسل وشغال على اللوحة القديمة!
وفجأة لقي نفسه واقع في ورطة والخرسانة محجوزة وعربيات الصب على البوابة..
والنجار طبعا باعك في ثانية وبيقولك أنا مالي أنا شغال وراك، والاستشاري رافض يختم استلام والوقت بيجري!
وانت بتطلتم 🙆‍♂️🙆‍♂️🙆‍♂️
الناس التقيلة في المواقع: 👇
1️⃣ لو أنت مكان المساح ده، هتتصرف إزاي "بسرعة" قبل ما الصب يبدأ؟
2️⃣ وإيه الغلطة الإدارية اللي حصلت هنا بين المساح والمكتب الفني؟

ورونا حلولكم الميدانية.. ومين اللي دايماً بيشيل الليلة في الآخر؟ 😂

مع سيجما.. إحنا بنراجع لوحاتك قبل ما نلمس الجهاز، عشان الورطة دي مابتعديش من تحت إيدنا 📐

📞 للتواصل مع سيجما: 01011561794

#سيجما

09/04/2026

مع سيجما انت في امان 💪💪

08/04/2026

مين يعرف يخرج من الورطة؟🚧

🚧 "الماسورة نزلت.. والميول خذلت!⚠️"

تخيل معايا الموقف ده يحصل ليك كمهندس مساحة واقف بتشتغل علي خط صرف في مشروع بنية تحتية، وبعد ما ركبت خط صرف بطول 500 متر، اكتشفت إن فيه ماسورة في النص هربت منك في المنسوب (وطيت 15 سم مثلاً) والميول باظت منك فبالتالي كل اللي بعدها خطأ غالبا. والاستشاري واقف على أول الخط ومستني يستلم منك! 📏

انت هنا دخلت في ورطة كبيرة وهي إنك : لو فكيت الخط هتعطل الشغل وتخسر الشركة وقت وفلوس.. ولو سبتها الصرف هيسد ويروح في داهية.

السؤال للعباقرة: إزاي كـ "مساح شاطر" تعالج الغلطة دي فنياً في الموقع بحيث تضمن إن الميول تمشي صح، وفي نفس الوقت "تعديها" من تحت عين الاستشاري من غير ما يلاحظ إن فيه تعديل حصل؟ 🤔

ورونا "الفهلوة الهندسية " والحلول اللي بجد في التعليقات! 👇 (ملحوظة: إحنا بنتعلم إزاي نحل المشاكل في الموقع، الأمانة المهنية أولاً 😉)

#سيجما #هندسة
مع مكتب Segma - سيجما للأعمال المساحية والاستشارات الهندسة تقدر تتجنب كل المشاكل دي
ت / 01011561794

07/04/2026

"القامة أحياناً بتخدع .. والمناسيب بتروح في ستين داهية! ⚠️"
لو مركزتش في الشغل الدنيا هتبوظ منك وكل الخطواط اللي بعد كدا هتبقي بايظة.
موقف من الموقع انهاردة المساح سرح وقرأ علي القامة 1.57 بدل 1.75 وجاب منسوب سطح ميزانه على هذا الأساس.
اول شك بييجي في دماغك الميزان بايظ بس مش كفاية إن الميزان يكون "متعاير" والربط سليم.. عشان كدا لو القامة فيها مشكلة فنية بسيطة أو عيب في الاستخدام، أو خطأ سهو في القراءة من هنا كل الأرقام اللي بتكتبها في الشيت هتكون "وهمية".
سؤال للمحترفين في التعليقات: 👇

إيه الغلطة الفنية اللي ظهرت معاك قبل كدا وأزاي قدرت تحلها هل مشكلة في الجهاز ولا مشكلة في القامة ولا غلطة مساح؟

وإزاي المساح الشاطر يتأكد من سلامة الميزان او القامة قبل ما يبدأ شغل؟

شاركونا بخبرتكم عشان الكل يستفيد ونعلي جودة التنفيذ! 🛠️

#سيجما #هندسة