السد العالي للأعمال الصحية والتوريدات

04/05/2023

13/09/2019

ميزان الخرطوم و الشيرب

التوقيع و نقل المناسيب بين النقط المختلفة دا أمر أساسى فى التنفيذ ,,
من أول الروبير و التوقيع باستخدامه لحد استلام التشطيبات كل تعاملك بالمناسيب . ولازم انت اللى تقرأ النقط و تشيك ع الشغل كل فترة بقراية " لقطة " .
و من أسهل الطرق المستخدمه لنقل نقطة معلومة المنسوب لأماكن نقاط تانية غير معلومة المنسوب في الموقع هي طريقة " الشيرب " و "ميزان الخرطوم " .

= "الشيرب" هو العلامة علي شكل مثلث مقلوب ▼ بتتحط علي أي جسم ثابت رأسي ( عمود , حائط , جدار مبانى ... ) ، ببدأ أحدد منسوب معين للنقطة الأولي من منسوب البلاطة الخرسانية باستخدام المتر العادى برسم أول شيرب بلون مختلف ظاهر سواء طباشير أو اسبراى و اكتب منسوبه بإشارته ( - , + )و في الغالب بتكون +110 سم لو مفيش روبير للموقع و كل النقط متنسبه ليه و ببدأ أنقل نفس منسوب النقطة دي إلي النقاط التانية على باقى الأعمده أو الحوائط باستخدام " ميزان الخرطوم "
= كمان القراءه بتكون من قاعده المثلت (الضلع الافقى) وليس نقطه الرأس لأنه أوضح من النقطة .

"ميزان الخرطوم " دا خرطوم عادي بيلاستيك مرن و شفاف ، بيعتمد علي نظرية الأواني المستطرقة ببدأ أثبت سطح الماء فى الخرطوم عند الشيرب المعلوم و السطح فى الطرف التانى هو الشيرب الجديد ..

*نظرية الأواني المستطرقة : إذا كان هناك عدة أواني مختلفة في منسوب القاع ومتصلة فيما بعضها فإن منسوب السطح لها بيكون واحد ................................................
Join our group: https://www.facebook.com/groups/LinkAcademy

12/09/2019

خلاط حوض ”سيرابلس“ يعمل بالأشعة الحمراء ويأتي بشكل مميز وتصميم مناسب لكافة الأماكن العامة والتجاريه التي يجب فيها ترشيد استهلاك المياه.
وفر مياه كل يوم مع ايديال ستاندرد

09/08/2019

كل عام و أنتم بخير ..

03/08/2019

27/07/2019

رأس الفلتر الرملي لحمام السباحة Multi-port valve

عادة وظائف الفلتر 6-7 وتختلف من شركة لأخرى "

اللي بينقل من الوظيفة للتانية هي يد رأس الفلتر وبنضغط عليها لإسفل بعدين ندورها للوضع اللي عايزينه ونسيبها ومهم جداااااااا قبل ما تنقل اليد انك تكون قافل الطلمبة وإلا هيحصل مشاكل للفلتر أبسطها تلف جوانات رأس الفلتر وكمان الطلمبة مثل تلف الميكانيكال سيل .. راجع الموضوع الكامل للميكانيكال على صفحتنا.

رأس الفلتر بيتوصل بها 3 خطوط مواسير (من الطلمبة pump - إلى حمام السباحة pool/Return - إلى الصرف waste)

وأوضاع الفلتر هي :
1. وضع الفلترة Filter
المياه بتيجي من الطلمبة pump وبتدخل الفلتر تعدي على الرمل من فوق لتحت وتدخل عالشمع وتتجمع وتخرج للحمام pool/Return.

2. وضع الغسيل العكسي Backwash
الفلتر لما بيستمر في تنظيف المياه من الشوائب بييجي عليه وقت لازم يتنضف هو كمان لما (ضغط العداد يرتفع 10 PSI عن ضغط التشغيل الطبيعي) وهنا المياه بتيجي من الحمام وبتمشي في عكس إتجاه وضع الفلترة: بتدخل من الشمع وتخرج على الرمل من تحت لفوق وتقلب الرمل جوه الفلتر تاخد منه الشوائب وتخرج على خط الصرف Waste لمدة 3-5 دقايق أو بنراقب لون المياه الخارجة من زجاجة البيان لو بقت نضيفة خلاص بنوقف الغسيل.

3. وضع الشطف Rinse
المياه بتدخل للفلتر من أعلى زي وضع الفلترة لكن الإختلاف المياه بتخرج من الصرف زي وضع الغسيل ودا وظيفته :
- يعمل هبوط للرمل تاني لانه بيرتفع عن مستواه أثناء الغسيل.
- بيشطف الرمل والمياه العكرة الباقية من الغسيل.
لازم بعد عملية الغسيل العكسي للفلتر نعمل Rinse وإلا هيحصل خروج بسيط للرمل من الفلتر ويروح لحمام السباحة تاني ومدة الشطف 20-30 ثانية كافي.

4. وضع الباي باص Re-circulate/Whirlpool
المياه مبتدخلش الفلتر أصلا كأنه باي باص وبتعدي (من الطلمبة للحمام مباشرة) عن طريق رأس الفلتر ومبيحصلش فلترة .. وإيه فايدته ؟!
- كونه مبيعديش على الرمل يبقه مبيتعبش الطلمبة والمياه بتكون ضغطها أعلى عما لو كانت هتعدي عالرمل . ودا ممكن تستفيد بيه إنك لو عايز تستخدم ضغط طلمبة الفلترة في الجاكوزي مثلا أو عندك نافورة أو .... إلخ ومحتاج ضغط إضافي مؤقتا.
- سبب تاني إن بعض الكيماويات اللي بتتضاف للحمام مثل الفلوك مينفعش تعدي على الرمل وممكن تضره دا غير إنك بتضيفه عشان تعالج الحمام كيماويا وبالتالي مش محتاج فلترة شوائب.
- سبب تالت إن لو الفلتر فيه مشكلة من جواه شمعة مكسورة ... الخ نستخدم الوضع دا عالأقل بتقلب المياه أفضل ما توقف الفلتر.

5. وضع الصرف Drain/Waste
دا برضو تاني وضع باي باص لكن دا بياخد المياه (من الحمام للصرف مباشرة) عن طريق رأس الفلترة بدون فلترة .. وفايدته ؟
- لما تيجي تنضف الحمام وفيه شوائب كتيرة جدا في الأرضية أو في ألجا ميتة مثلا وعايز تنضفها فالأحسن تكنس الحمام على الصرف مباشرة بدل ما نلوث الفلتر ونغسله مرات كتيرة.
- ولما تحب تفضي الحمام من المياه .

6. وضع الغلق Closed
الوضع دا بيمنع دخول وخروج المياه من الفلتر إطلاقا.

7. وضع الإختبار Test
الوضع دا بيخلي الفلتر كأنه شيك بلف (Check valve) ويمنع رجوع مياه الحمام على الطلمبة أثناء عمل صيانة للطلمبة.

8. وضع الشتوي Winterize
الوضع دا مخصص للدول التي يتجمد بها المياه في فصل الشتاء وهو بيخلي فتحات الفلتر بالكامل مفتوحة لمنع تجمد المياه داخل الفلتر وتمددها وكسر الفلتر أو يمكن إستخدامه لتخريج الهواء من المواسير لإنه بيملأ المواسير بالمياه.

كل الفلاتر حاليا فيها أول 5 أوضاع و واحد أو إثنين من الأوضاع 6 او 7 او 8 ..

لو في نقطة مش واضحة أو عندك أي مشكلة في فلتر حمام السباحة لا تتردد وكلمنا .
في إنتظار إستفساراتكم عن أي شئ يخص حمامات السباحة.
ويسعدنا خدمتكم في أعمال التنفيذ والتصميم والصيانة لجميع أنواع معدات حمامات السباحة والمعالجة الكيميائية.


#جاكوزي #شلالات #نوافير

24/07/2019

ما الفرق بين المواسير ال PVC , CPVC , UPVC:

1-المواسير PVC: يتم تصنيع هذه المواسير من ماده البولي كلوريد الفينيل (Polyvinyl chloride)، وغير مسموح باستخدامها في أعمال السباكة، لكنها تستخدم في الأعمال الكهربية مثل duct banks.

2-المواسير CPVC: يتم تصنيعها أيضًا من مادة البولي كلوريد الفينيل، ولكن يتم معالجته بالكلور (Chlorinated polyvinyl chloride)، هذه المعالجة تعمل على زيادة مقاومة الماسورة للضغوط و الحرارة، وتستخدم في أعمال الصرف الصناعي، حينما تكون المخلّفات ذات حرارة عالية.

3-المواسير UPVC: وهى المواسير الشائع استخدامها في أعمال الصرف، و للاختصار يطلق عليها PVC ، ولكن في حقيقة الأمر هي مصنّعة من
البولي كلوريد الفينيل الغير لدن (un-plasticized polyvinyl chloride)، وذلك لزيادة جساءة المواسير و مقاومتها لحركة السوائل داخلها.

و قد انتشر استخدام جميع المواسير السابق ذكرها كبديل عملي للمواسير المعدنية، في أعمال الصرف و الأعمال الكهربية، لعدة مميزات أهمها:
1-تكلفة أقل في الخامات، و سرعة في التركيبن و كذلك في الصيانة.
2-مقاومتها للصدأ.
3-لا تحتاج للدهان أو العزل في أغلب الأعمال.

16/05/2019

جزء من شغل اليوم .. كل عام و أنتم بخير

09/05/2019

اللهم بحق شهرك الكريم .. إرحم رقابنا و رقاب آبائنا و أمهاتنا و أرحامنا وكل من له حق علينا من النار يا الله ..