J.M.S للمقاولات العامة والتشطيبات الحديثة

30/05/2026

⚖️🏗️ رسوم جدية التصالح
في نطاق المدن التابعة لهيئة المجتمعات العمرانية الجديدة والقرى والتوابع

طبقًا للمادة (6) من قانون التصالح وتقنين الأوضاع، يتم سداد مقابل جدية التصالح بنسبة (25%) من قيمة مقابل التصالح طبقًا للمساحة الواردة بطلب التصالح، مع تحديد حد أقصى للمبالغ وفقًا لنوع المخالفة.

📌 أولًا: رسوم جدية التصالح داخل المدن التابعة لهيئة المجتمعات العمرانية الجديدة

▪️ مخالفات الرسومات المعمارية والإنشائية — 20 ألف جنيه
▪️ تغيير الاستخدام — 120 ألف جنيه

▪️ البناء بدون ترخيص:
• الأسوار — 20 ألف جنيه
• مخالفات الردود — 40 ألف جنيه
• الزيادة في مسطح غرف السطح — 50 ألف جنيه
• بناء السطح بالكامل — 80 ألف جنيه
• بناء مباني أو منشآت أو إقامة أعمال — 250 ألف جنيه

📌 ثانيًا: رسوم جدية التصالح داخل القرى والتوابع

▪️ مخالفات الرسومات المعمارية والإنشائية — 5 آلاف جنيه
▪️ تغيير الاستخدام — 25 ألف جنيه

▪️ البناء بدون ترخيص:
• الأسوار — 5 آلاف جنيه
• مخالفات الردود — 10 آلاف جنيه
• الزيادة في مسطح غرف السطح — 15 ألف جنيه
• بناء السطح بالكامل — 20 ألف جنيه
• بناء مباني أو منشآت أو إقامة أعمال — 50 ألف جنيه

📖 وتنص المادة (6) من قانون التصالح على أن:
“يتم سداد مقابل جدية التصالح وتقنين الأوضاع عند تقديم الطلب، ويترتب على ذلك وقف الإجراءات والدعاوى المتعلقة بالمخالفة لحين الفصل النهائي في الطلب.”

⚠️ سرعة استكمال ملف التصالح وسداد الرسوم المطلوبة يساعد في تجنب أي إجراءات قانونية مستقبلية.
All@

19/04/2026

)) J. M. S((

مخالفات البناء 2026
8 حالات يفتح فيها القانون باب التصالح
وقرار جديد يمنحك فرصة أخيرة
في خطوة مهمة لضبط ملف مخالفات البناء دون الإضرار بالمواطنين، أقرّ مصطفى مدبولي رئيس مجلس الوزراء مد مهلة التصالح لمدة 6 أشهر إضافية تبدأ من 5 مايو 2026.
القرار ده مش مجرد تمديد… ده “فرصة أخيرة” لكل صاحب مخالفة إنه يقنن وضعه قبل ما يتحول الملف لإجراءات أكثر صرامة.
الهدف من التصالح
ــــــــــــــــــــــــــــــــ
القانون هنا بيحاول يعمل معادلة صعبة:
يحافظ على هيبة الدولة
ينظم العمران
وفي نفس الوقت يدي فرصة حقيقية للمواطن يقنن وضعه بدل الإزالة
الحالات الـ 8 اللي ينفع فيها التصالح
(بوضوح قانوني)
ــــــــــــــــــــــــــــــــ ــــــــــــــــــــــــــــــــ
1️⃣ تغيير النشاط أو الاستخدام
ــــــــــــــــــــــــــــــــ ــــــــــــــــــــــــ
لو العقار اتحوّل من سكني لتجاري أو إداري في منطقة مفيهاش تخطيط تفصيلي معتمد… القانون بيسمح
بتقنين الوضع حسب الواقع.
2️⃣ التعدي على خطوط التنظيم
ــــــــــــــــــــــــــــــــ ــــــــــــــــــــــــــــــــ
زي البناء داخل الشارع أو على خطوط تنظيم قديمة أو غير منفذة…
التصالح ممكن لو الضرر مش جسيم ومفيش تعارض مع التخطيط العام.
3️⃣ التعدي على حقوق الارتفاق
ــــــــــــــــــــــــــــــــ ــــــــــــــــــــــــ
زي حق المرور أو التهوية
التصالح جائز بشرط موافقة الأطراف
مرفوض لو فيه ضرر كامل يمنع الانتفاع
4️⃣ المباني ذات الطابع المعماري المميز
ــــــــــــــــــــــــــــــــ ــــــــــــــــــــــــــــــــ
القانون بيحمي التراث… لكن:
يقبل التصالح إذا كانت المخالفة
قبل التسجيل
بشرط عدم التأثير على القيمة المعمارية
وموافقة جهاز التنسيق الحضاري
5️⃣ المناطق ذات القيمة العمرانية الخاصة
ــــــــــــــــــــــــــــــــ ــــــــــــــــــــــــ
زي المناطق التاريخية
التصالح مش مفتوح على البحري… لازم:
الحفاظ على الشكل العام
موافقة الجهات المختصة
6️⃣ تجاوز قيود الارتفاع
ــــــــــــــــــــــــــــــــ
التصالح ممكن
لكن بشرط موافقة:
الطيران المدني
أو وزارة الدفاع (في حالات معينة)
7️⃣ البناء على أراضي الدولة
ــــــــــــــــــــــــــــــــ ــــــــــــــــــــــــ
هنا مربط الفرس:
لازم تقدم طلب تقنين وضع يد
وتكمل إجراءات التملك أو التعاقد
غير كده = مفيش تصالح
8️⃣ البناء خارج الحيز العمراني
ــــــــــــــــــــــــــــــــ ــــــــــــــــــــــــ
دي أخطر نقطة… لكن القانون فتح باب بشروط:
لو داخل كتلة سكنية قائمة
أو فقدت الأرض صلاحيتها للزراعة
أو مشروع نفع عام
موقف القانون
وماذا قالت محكمة النقض؟
ــــــــــــــــــــــــــــــــ ــــــــــــــــ
القانون الحالي (قانون التصالح رقم 17 لسنة 2019 وتعديلاته بالقانون 187 لسنة 2023) وضع قاعدة مهمة:
التصالح استثناء… وليس أصل
يعني مش كل مخالفة ينفع تتقنن
أما محكمة النقض المصرية فاستقرت في أحكامها على مبدأ مهم جدًا:
“مخالفة أحكام البناء لا تكسب صاحبها حقًا مكتسبًا، ولا تُصحح
إلا بنص قانوني صريح.”
بمعنى بسيط:
ــــــــــــــــــــــــــــــــ
اللي بنى غلط
مش معناه إنه كسب حق
والتصالح هو “ترخيص استثنائي”
من الدولة مش واجب عليها
امتى التصالح مستحيل؟
ــــــــــــــــــــــــــــــــ ـــــــــــ
علشان تبقى الصورة كاملة:
البناء على أراضي آثار
التعدي الصريح على أملاك الدولة
بدون تقنين
المباني اللي فيها خطر إنشائي
التعدي على نهر النيل أو حرم الطرق
ليه القرار ده مهم فعلاً؟
التمديد الجديد معناه:
ــــــــــــــــــــــــــــــــ
فرصة لإنهاء الملفات المتراكمة
حماية من الإزالة
تثبيت الملكية قانونيًا
إمكانية البيع والشراء بأمان
نصيحة قانونية مهمة
ــــــــــــــــــــــــــــــــ
لو عندك مخالفة:
ما تستناش لآخر يوم
لأن اللي بيحصل دايمًا:
الزحمة + نقص أوراق = رفض الطلب
ابدأ فورًا:
راجع موقفك القانوني
جهّز مستنداتك
قدم طلبك قبل الزحمة
الخلاصة
ــــــــــــــــــــــــ
الدولة فاتحة الباب… بس مش للكل
واللي هيلحق يقدم صح
هو اللي هيكسب
أما اللي هيأجل
غالبًا هيدفع تمن التأخير مرتين
شارك البوست عشان غيرك يستفيد
J.M.S للمقاولات العامة والتشطيبات الحديثة @

07/04/2026

تكلفة تقريبية لبناء قطعة ١٣٠ م٢ 🏠🏗
ارضي + ٤ ادوار باسعار اليوم
🔵اللبشة العاديه بسمك ٢٠ سم هتحتاج :-
- ٧.٥٠ طن اسمنت
- ٢٤ م٣ زلط
- ١٢ م٣ رمل
اجمالى تكلفة الحفر و اللبشة العادية بمصنعية المقاول ٨٥ الف ج
🔵🔵🔵🔵🔵🔵🔵🔵🔵
🔵 القواعد المسلحه والسملات ١٤ قاعدة
القواعد المسلحة هتحتاج :-
- ٣ طن حديد
- ١٥ طن اسمنت
- ٢١ م٣ زلط
- ١٠ م٣ رمل
اجمالى تكلفة القواعد المسلحه والسملات بمصنعية المقاول ٢٤٥ الف ج
♦️♦️♦️♦️♦️♦️♦️♦️♦️
🔵 اعمدة الارضي بارتفاع ٤.٥٠ م
الاعمدة هتحتاج :-
- ١.٥٠ طن حديد
- ٥ طن اسمنت
- ١٠ م٣ زلط
- ٦ م٣ رمل
اجمالى تكلفة الاعمدة
بمصنعية المقاول ١١٥ الف ج
🔵🔵🔵🔵🔵🔵🔵🔵🔵
🔵 سقف الارضي بلاطه ١٥ سم وكمرات ساقطة مسطح ١٤٠ م٢ ....
السقف هيحتاج :-
- ٢.٥٠ طن حديد
- ١٠.٥٠ طن اسمنت
- ٢٤ م٣ زلط
- ١٢ م٣ رمل
اجمالى تكلفة السقف بمصنعية المقاول
٢٠٠ الف ج
♦️♦️♦️♦️♦️♦️♦️♦️♦️
اجمالى تكلفة الدور الارضي خرسانات
حوالى ٦٤٥ الف ج
♦️♦️♦️♦️♦️♦️♦️♦️♦️
تكلفة الدور المتكرر اعمدة + سقف خرسانات حوالى ٣١٠ الف ج
♦️♦️♦️♦️♦️♦️♦️♦️
مصاريف خرسانات القطعه ارضي و ٤ متكرر حوالى مليون و ٨٨٥ الف ج
♦️♦️♦️♦️♦️♦️♦️♦️♦️
- متوسط سعر طن الحديد ٣٩٥٠٠ ج عز
- متوسط طن الاسمنت ٤٢٠٠ ج
- متوسط المتر مكعب زلط ٦٢٠ ج
- متوسط المتر مكعب رمل ٣٠٠ ج

J. M. S

14/02/2026

https://www.facebook.com/share/r/18WgAxC4ti/

اقل تشطيب كان تمن شقه 😂😂😊
الله يلطف بعباده

28/08/2025

تكلفه بناء منزل 125م٢ ارضي و4 ادوار متكررة 14عمود
*اللبشه العاديه ارتفاع 25سم تتكلف 70الف
*قواعد مسلحه وسملات 200الف
*اعمده الارضي ارتفاع 4,50 تتكلف 110الف
*سقف الارضي ببروز خارجي 180الف
* اي دور متكرر أعمده وسقف هيتكلف 255الف

11/02/2025

الناس اللي بتشتري حديد بالعدد لازم تعرف المعلومه عدد اسياخ الحديد وهو عند التاجر قبل ما يوصل عندك البيت
1️⃣ طن حديد 10 مم( 3 لينية) 135 سيخ
2️⃣طن حديد12 مم (4 لينية )94 سيخ
3️⃣طن حديد 16 مم (5 لينية) 53 سيخ
4️⃣طن حديد 18 مم( 6 لينية )42 سيخ
والافضل شراء الحديد بالوزن
J.M.S للمقاولات العامة والتشطيبات الحديثة

07/02/2025

اقل قطر حديد في القواعد 12 مم ( 4 لينية)
اقل قطر حديد في الأعمدة 12 مم
اقل قطر حديد في السقف 10 مم ( 3 لينية)
اقل قطر حديد كانات 8 مم ( 2.5 لينية )
اقل عدد للحديد في السقف 5 اسياخ في المتر
اقل عدد كانات 5 كانات في المتر أعمدة أو كمرات
اقل تسليح للكمرات 2 سيخ قطر 12 مم
_ مفيش كانات 6 مم
_ الحديد الأملس الكانات لا يستخدم في تسليح السقف
_ أقل سمك سقف كمري 10 سم
_ أقل سمك سقف فلات سلاب 18 سم
_ أقل اسمنت للمتر٣ خرسانه المسلحة 7 شكاير اسمنت
J.M.S للمقاولات العامة والتشطيبات الحديثة

13/11/2024

سنيكرز بالخرسانة

07/10/2024

101 نصيحة قبل ماتشطب شقتك:
****************************
1. حاول تخطط لكل تفصيله قبل ماتبدأ شغل.
2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.
3. المطبخ من أهم الفراغات في الشقة بلاش تضيق مساحته عشان توسع الريسبشن.
4. حاول توسع المطبخ على قد ماتقدر.
5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.
6. اهتم بالليفينج أكتر من الريسيبشن.
7. مش لازم تجيب بوفيه و نيش.. الجزامة أهم.
8. الدييب فريزر و المايكروويف أساسيات أكتر من الصيني اللي ماحدش بيستخدمه.
9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
10. البورسلين قطع الليزر في مصر أثبت فشله.. هات سيراميك نوع كويس أفضل.
11. سيراميك الجوهرة أفضل من كليوباترا بمراحل.
12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
13. لو ما اخترتش البورسلين صح و ركبته صح هيفك من الأرض بعد سنتين.
14. لو حابب تدلع شقتك ركب hdf في الغرف.. هتنبسط.
15. لو مش حابب تدلع شقتك على الأقل ركب hdf في غرفة النوم.. صدقني هتنبسط.
16. لو شقتك مجروحة من الجيران ماتنساش الستاير البلاك أوت.
17. البراقع و البلتكنات اللي حماتك هتختارها دي بطلت من 15 سنة.
18. الدهانات السبونج مش أحلى حاجة في الدنيا.
19. ورق الحائط الـ 3d هايل بس ماتكترش منه.
20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.
21. الشبابيك الألومينيوم عملية أكتر من الشبابيك الخشب.
22. لو هتركب شبابيك ألومينيوم إختار أي قطاع غير قطاع السعد.
23. الألومينيوم بيتدهن ألوان كتير غير البيج و الأوف وايت على فكرة.
24. لو معاك فلوس ركب شاتر على الشبابيك الألومينيوم.
25. غرفة النوم الرئيسية ركب للشباك بتاعها زجاج دبل.
26. عدي النقطة اللي فاتت و مش لازم تعرف السبب.
27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.
28. الشبابيك الجرار بتساعد على سهولة الفرش و لكن بتقلل الإضاءة و التهوية.
29. الشبابيك المفصلية بتزود الإضاءة و التهوية بس هتصعب عليك الفرش.
30. لو شقتك واسعة اعمل شبابيك مفصلي و لو ضيقة اعمل الشبابيك جرار.
31. الشبابيك الـ pvc جميلة و بتعيش.
32. لو شقتك في منطقة مقطوعة ركب كاميرات خارجية مابتتكلفش كتير على فكرة.
33. ماتجيبش نيش.
34. معابر الأبواب مهمة عشان بتمنع الصوت و الضوء و الحشرات.
35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
36. خلي النجار يركبلك جوانات كاوتش لكل الأبواب عشان بتمنع التراب و الصوت.
37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
38. الجيبسوم بورد بيتعمل بيه حاجات كتير غير الأسقف على فكرة.
39. الجيبسوم بورد حاجة أساسية بس تستخدمه صح لما تحتاجه.
40. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
41. اهتم إنك تشتري شفاط محترم للمطبخ.
42. الشفاط اللي بيركب فوق البوتاجاز شكله حلو و شيك و بس.
43. ماتركبش في الأرضيات السيراميك المستطيل اللي شبه الباركية عشان بيقوس و بيجير.
44. لو عاجبك السيراميك اللي شبه الباركية ركب hdf هتتبسط صدقني.
45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
46. اعمل حسابك لتأسيس التكييف حتى لو مش هتشتري تكيييف.
47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.
48. آخر صيحة في الديكورات حالياً هي الأسقف السترتش اللامعة.
49. لو عاوز تدلع مكان معين في شقتك ممكن تعمل ديكورات بـ CNC .
50. اختار كل حاجة قبل ماتبدأ تنفيذ أي حاجة.. دي قاعدة أساسية.
51. أسس اسكيب و شطب جوتن.. ده في الدهانات.
52. مافيش أشيك ولا أرقى من الدهانات السادة بس تختار الألوان صح.
53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
54. أي حاجة مط بيبان عليها التراب.. لازم تبقى عارف ده كويس.
55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
56. القاعدة الذهبية في إختيار أكر و كوالين الأبواب " الغالي رخيص"
57. القاعدة اللي فاتت دي برضه تنطبق على الخلاطات و الإكسسوار و النواكل.
58. الزجاج العاكس للشبابيك بيحجب 50% من الإضاءة.
59. الزجاج العاكس للشبابيك بيعكس الصبح بس مابيعكسش بالليل.
60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
62. لو هتجيب سخان كهرباء هات سعته كبيرة.
63. السخان الفوري مناسب بس في المطبخ لأنه بيستهلك كهرباء كتير.
64. في تأسيس الكهرباء ماتشتغلش غير بسلك السويدي الأصلي.
65. في تأسيس السباكة مواسير التغذية أكواثيرم أو باننجر و مواسير الصرف الشريف.
66. رخامة المطبخ هاتها جرانيت مش رخام.
67. الأحواض و القاعدة المعلقة بيدوا وسع للحمام و أسهل في النضافة.
68. إشتري الخلاطات و الصيني و النواكل للحمام و المطبخ قبل ما السباك يأسس.
69. لو بياض المحارة وحش و فيه مطبات أو شرخ حاول تعالجه قبل الدهانات.
70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
72. لو مش هتركب باب مصفح لباب الشقة يبقى يفضل تعمل باب حديد حماية.
73. ماتنساش تركب سلك لكل الشبابيك عشان الحشرات.
74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
75. لو عندك غرفة أطفال.. ادهنها لون يمشي أولادي أو بناتي.
76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.
77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
80. البيبة في المطبخ حلوة عشان التنضيف و وحشة عشان الحشرات و الروائح و السدد.
81. الكرانيش الجاهزة (فيوتك) أفضل 100 مرة من الجبس البلدي.
82. بلاش أباجورة جنب السرير.. ركب 2 أبليك على الحيطة أجمل و أشيك.
83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
88. ركب فلتر في المطبخ عشان مية الشرب في مصر غير صالحة للشرب.
89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
91. إعزل الحمام و المطبخ عزل أسمنتي أسهل و أفضل و أرخص.
92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
93. ماتساش تركب منشر في مكان بيوصله شمس عشان مهم.
94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .
95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.
98. لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 1650 ج أو 2200 ج أو3300 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.
99. لو جبت مهندس شاطر و محترم و أمين يشطبلك الشقة هتشتري دماغك و توفر وقت و فلوس.
100. ماتآمنش لصنايعي.. ماتآمنش لصنايعي.. ماتآمنش لصنايعي.
101. إنشف.. مافيش راجل بيعيط

06/05/2024